ANPA Escolas Nieto

II Mostra de Cabazas Decoradas ANPA Escolas Nieto

Debido á grande acollida da pasada edición, a Anpa Escolas Nieto organiza a II mostra de cabazas decoradas para celebrar o Samaín.

Será unha actividade na que poderán participar todos os alumnos e alumnas do colexio e que servirá para fomentar a participación e a creatividade e reducir a competitividade.

As cabazas poderán ser naturais ou non, poderanse empregar todo tipo de materiais e a caracterización é totalmente libre.

Cada cabaza deberá levar escrito por debaixo o nome, apelido e curso do alumno. Deberán entregarse o mércores 26 ou o xoves 27 de outubro e estarán expostas ata o venres 28, día no que cada neno e nena deberá levar para casa a súa cabaza. Os participantes que o desexen, poden enviarnos por correo electrónico a foto da súa creación e difundiremos as imaxes nas nosas redes sociais.

A cada participante daráselle un obsequio e un diploma.