ANPA

Remata o curso, un curso que lembraremos como ningún outro, un curso que se frenou o 12 de marzo e xa non volveu a arrancar.
Chegou o Covid e púxonos a proba a pais, nais, alumnos, alumnas, profesoras e profesores. Roubounos a nosa rutina cando xa faltaba tan pouquiño…
Roubounos ilusións, como as dos máis pequenos que quedaron sen o seu primeiro festival e a súa primeira excursión de fin de curso, as dos peques de 6°EI, que quedaron sen a súa graduación; roubounos festas, experiencias, tempo…
Pero a quen máis lles roubou foi ós alumnos e alumnas de 4° ESO, os que hai 13 anos comenzaron a súa andadura no colexio, que riron, choraron, que  compartiron mil vivencias, que creceron xuntos, que son unha pequena familia…
Eles e elas, que se esforzaron por chegar ó final e non poden celebralo como se merecen, xuntos, arroupados polas súas familias e por todas as familias do colexio.
Sabemos que todos seguiron traballando desde as súas casas, non se renderon, o virus non conseguiu detelos e iso fainos vencedores e vencedoras.
SODES GRANDES RAPACES E RAPAZAS!!
Desde a Anpa queremos, con estas palabras, rendir a nosa homenaxe a cada familia e a cada profesor e profesora; entre todos demostramos que se pode.
E imos dicirlle a este virus que no poderá coa familia Escolas Nieto, imos volver en setembro con máis ganas e forza que nunca.
Moito ánimo e sobre todo moita saúde para todos e todas. Desfrutade das vacacións e vémonos á volta.